Dúleı boran 4 turǵyn úı men 15 mekteptiń shatyryn julyp áketken. Atalǵan ǵımarattarǵa kelgen materıaldyq shyǵyn kólemi anyqtalyp jatyr.
О́ńirdegi jaǵdaıǵa baılanysty oblys ákiminiń orynbasary Arman Ábenov halyqpen baılanysqa shyǵyp, arnaıy málimdeme jasady.
«Tótenshe jaǵdaı departamenti men polısııa, sondaı-aq, jergilikti atqarýshy organdardyń qyzmetkerleri turǵyndardyń amandyǵy úshin barynsha kúsh-qaırat jumsap jatyr. Aýa raıynyń qolaısyzdyǵyna qaramastan, kúre joldyń boıynda qar qursaýynda qalǵan avtokólikter men adamdardy qutqarý jumystaryn júrgizip jatyrmyz.
Búgin oblysta 14 avarııalyq-qutqarý jumysy júrgizildi. 20 adam qutqaryldy. Onyń ishinde 1 júkti áıel jáne 1 bala bar.
Qostanaı oblysy boıynsha mobıldi beketterge barlyǵy 166 polısııa qyzmetkeri jáne 83 qyzmettik avtokólik, 68 tótenshe jaǵdaı qyzmetkeri jáne 14 tehnıka, 78 jedel medısınalyq járdem brıgadasy, energetıka salasyndaǵy 38 brıgada jumyldyryldy.
Oblys boıynsha 257 jylytý pýnkti daıyndaldy. Oryndardyń jalpy sany 11 255.
О́kinishke qaraı daýyl kóteriletini týraly eskertýlerge qaramastan, jolǵa shyǵyp ketip jatqan avtokólik júrgizýshileri azaıar emes», dedi A.Ábenov.
Qostanaı oblysy
