Qoǵam • 17 Qańtar, 2024

«Júktimin, kámeletke tolmaǵan balam bar». Prokýrorlar mas júrgizýshilerdiń aılasyn anyqtady

791 ret

kórsetildi

1 mın

oqý úshin

Jetisý oblysynyń prokýrorlary mas kúıde kólik tizgindegen júrgizýshilerdiń aılaly áreketterin áshkereledi. Olar mas kúıinde ustaý kezinde ákimshilik qamaýǵa alynbaý maqsatynda jalǵan medısınalyq jáne basqa da qujattar tapsyrǵan, dep jazady Egemen.kz.

Dana MYRZAQADIR

«Júktimin, kámeletke tolmaǵan balam bar». Prokýrorlar mas júrgizýshilerdiń aılasyn anyqtady

Foto: caspianlife.kz

Jetisý prokýrorlary eki áıeldiń sotqa jalǵan anyqtama, júktiligi týraly ýltradybystyq qorytyndy qaǵazyn usynǵanyn anyqtady.

Mundaı anyqtamalar Kodekstiń 50-babyna sáıkes tulǵalardy qamaýǵa alý jaǵdaıyn toqtatady.

Sondaı-aq aımaqtaǵy aýdan ákimdiginiń bir bólim basshysy da jalǵan anyqtama usynǵany belgili boldy. Ol jaýapkershilikten jaltarý maqsatynda kámeletke tolmaǵan balam bar dep kórsetken.

Al aýdandyq sot ony atalǵan anyqtama negizinde qamaýdan bosatqan.

Prokýratýranyń tekserýi onyń ýájderin joqqa shyǵardy. Ol bergen derekterdi teksergende kámeletke tolmaǵan balasy bolmaǵany anyqtaldy.

«Belgili bolǵan derekter negizinde sot aktileri qaıta qaralyp, qamaýǵa alý túrindegi bultartpaý sharasy qabyldandy. Ýákiletti organdar resmı qujattardy qoldan jasaý faktileri boıynsha da sotqa deıingi tergep-tekserý jumystaryn bastady», dedi Jetisý oblysynyń prokýrory Madııar Basshybaev.