Foto: gov.kz
Mınıstrlik málimetinshe, elimizde 304 myń shetel avtokóligi tirkelgen.
«Memleket basshysynyń tapsyrmasyna sáıkes Qazaqstan Respýblıkasyna 2022 jyldyń 1 qyrkúıegine deıin ákelingen sheteldik avtokólikterdi zańdastyrý ótken jyldyń qańtarynda qolǵa alyndy. Osy kúnge deıin avtokóligin tirkemegen azamattar, kóligi tehnıkalyq jáne ekologııalyq talaptarǵa sáıkes kelgen jaǵdaıda arnaıy tólemderdi jasaýy tıis», delingen IIM aqparatynda.
Quzyrly organ sheteldik kóligin tirkemegen júrgizýshiler jaýapkershilikke tartylatynyn da jetkizdi.
«Sheteldik avtokólik ıelerine belgilengen tártipte tirkelmegen avtokólikterdi paıdalanǵany úshin ákimshilik jaýapkershilik qarastyrylatynyn eske salamyz», dedi vedomstvonyń baspasóz qyzmeti.
