Foto: A.Baıjumanov.
«Bala týýdyń kóbeıýi men ólim-jitimniń azaıýy halyq sanynyń arta túsýine – turaqty demografııalyq ósýge alyp keledi, bul el ekonomıkasynyń damýyna jáne halyqtyń ál-aýqatynyń joǵarylaýyna yqpal etedi. Bizdiń oıymyzsha, Úkimet qana emes, osy máselege tikeleı qatysy bar elimizdegi barlyq memlekettik organdar, osy salanyń árbir mamany elimizdiń qazirgi demografııalyq jaǵdaıdaǵy básekege qabilettiligin arttyrý jóninde júıeli jumys júrgizýge mindetti», dedi Nurtóre Júsip.
UNFPA-nyń Halyqty damytý jáne genderlik máseleler jónindegi ulttyq baǵdarlamasynyń Qazaqstandaǵy eldik keńsesiniń ókili Ǵazıza Moldaqulova belsendi jáne salaýatty uzaq ómir súrý bizdiń qoǵam damýynyń mańyzdy negizi bolýy tıis ekenin atap ótti. Kezdesý barysynda Qazaqstannyń demografııalyq, áleýmettik, ekonomıkalyq, mádenı-tarıhı erekshelikterin eskere otyryp, basqa memleketterdiń tájirıbesin paıdalanýdyń mańyzdylyǵy talqylandy.
Senat komıteti atalǵan kezdesýdi «Demografııalyq ósý – ulttyń básekelestik artyqshylyqtarynyń negizi» taqyrybyna arnalǵan Úkimet saǵatyna daıyndyq aıasynda uıymdastyryp otyr.
