Foto: gov.kz
Vedomstvo málimetinshe sýyq sýmen jabdyqtaý qubyrynyń jarylýy saldarynan topyraq ylǵaldanyp, keıin kólemi 3200 tekshe metr bolatyn jyljyma túsken. Eki jer úıge, onyń ishinde bireýine ishinara zaqym kelgen.
Aldyn ala aqparatqa sáıkes, úılerde tórt adam, onyń ishinde eki bala bolǵan.
Oqıǵa ornynda «Qazseldenqorǵaý» MM, Almaty qalasynyń «109 qutqarý qyzmeti» MM, Respýblıkalyq jedel-qutqarý jasaǵynan, Almaty qalasy TJD, TJM 28237 áskerı bóliminen, jedel medısınalyq kómek brıgadasynan, Medeý aýdanynyń ákimdiginen 160-tan astam adam jáne 30 birlik tehnıka jumyldyrylǵan.
Jaqyn mańdaǵy úılerdiń turǵyndary evakýasııalanyp, №47 mektepke ornalastyrylǵan. Olarǵa túneý orny, jyly shaı jáne basqa da qajetti kómek kórsetilgen. Jınalý pýnktine ornalastyrylǵannan keıin birneshe saǵat ótken soń, turǵyndar óz erkimen dostary men týystaryna ketken.
Oqıǵa ornynda TJD psıhologııalyq toby men dárigerler brıgadasy jumys istep jatyr. Yqtımal zardap shekkenderdi izdeý jalǵasady. Úılerdiń jaqyn ornalasýy men tehnıkany paıdalaný múmkindiginiń bolmaýy jumysty qıyndatyp otyr.
«Aqparat tolyqtyrylatyn bolady. Tek resmı derekterge senýdi suraımyz», delingen habarlamada.
