Foto: egemen.kz
Aıjan Esmaǵambetova qol qoıǵan qaýlyda medısınalyq mekemelerde mindetti maska taǵý rejımine ótý tapsyrylǵan.
«Sanıtarııalyq-epıdemıologııalyq baqylaý komıtetiniń oblystardyń, Almaty, Astana, Shymkent qalalarynyń densaýlyq saqtaý basqarmalarynyń, aýmaqtyq departamentteriniń basshylary:
- medısınalyq uıymdarda personaldyń jáne kelýshilerdiń medısınalyq maskalardy paıdalanýyn, antıseptıkterdiń bolýyn;
- halyq arasynda COVID-19 koronavırýs ınfeksııasynyń, tumaýdyń jáne JRVI profılaktıka sharalary týraly aqparattyq-túsindirý jumysyn júrgizýdi qamtamasyz etsin», delingen qaýlyda.
Sondaı-aq, bas sanıtar oblystar men Almaty, Astana, Shymkent qalalaryndaǵy halyq kóp jınalatyn jerlerde: áýejaılar, temirjol vokzaldary, avtovokzaldar, bazarlar, saýda-oıyn-saýyq ortalyqtary, saýda úıleri, teatrlar, kınoteatrlar, HQKO-y, bankter t.b. jáne kóliktiń barlyq túrlerinde: qoǵamdyq kólik, áýe, temir jol qatynastarynda medısınalyq nemese matadan tigilgen maska paıdalanýdy usyndy.
Qaýly qol qoıylǵan kúnnen bastap kúshine enedi.
