V.Pýtın Federaldy jınalysqa arnaǵan Joldaýyn Batysqa ses kórsetýden bastady. Ol Ýkraınaǵa áskerı kontıngent jiberse, «Batys elderi qaıǵyly jaǵdaıǵa tap bolady», dep qorqytty dedi.
«Bir kezderi óz kontıngentterin elimizdiń aýmaǵyna jibergen memleketterdiń taǵdyry esimizde. Bizde de qarý bar, ıá, olar bul týraly biledi», dedi Pýtın. Budan soń Reseı prezıdenti Ýkraınadaǵy qaqtyǵysta qoldanylyp jatqan «Kınjal» jáne «Sırkon» gıpersonıkalyq keshenderimen maqtandy. Sondaı-aq ol 2018 jyly jasaǵan joldaýynda usynǵan basqa da qarýlardyń synaqtardan sátti ótkenin aıtty. Buǵan qosa Pýtın strategııalyq ıadrolyq kúshter de qoldanýǵa tolyq daıyn ekenin málimdedi.
Joldaýdyń jıyrma mınýtyn Batyspen qaqtyǵys taqyrybyna arnaǵan Reseı basshysy, eldiń áleýmettik jáne ekonomıkalyq qoldaýyna basa nazar aýdardy. Ol bes jańa ulttyq jobanyń iske qosylǵanyn aıtty.
Jobanyń alǵashqysy «Otbasy» dep atalady. Bul boıynsha 2030 jylǵa deıin otbasylyq ıpoteka ýaqyty uzartylyp, úshinshi bala týylǵannan keıin ıpotekalyq nesıe óteledi. Týý deńgeıi tómen aımaqtarǵa otbasyn qoldaý baǵdarlamasy aıasynda 75 mıllıard rýbl bólinedi.
Ekinshi ulttyq joba densaýlyq saqtaý salasyn damytýǵa baǵyttalǵan. Pýtın usynǵan is-sharalardyń qatarynda áıelder konsýltasııalary jelisin keńeıtý jáne balalar emhanalary men aýrýhanalaryn jańǵyrtý, dıspanserleýge salyq shegerimi, shaǵyn qalalar men aýyldarda sport obektilerin salý bar.
Úshinshi ulttyq joba «Reseı jastary» – mektep, kolledj dırektorlarynyń keńesshileri 5 myń rýbl, al shaǵyn eldi mekenderdegi synyp jetekshileri men mektep kýratorlary 10 myń rýbl syıaqy alady. «Kadrlar» tórtinshi ulttyq jobasy túrli saladaǵy mamandardy daıarlaýǵa baǵyttalǵan. Al sońǵy «Derekter ekonomıkasy» jobasyna keminde 700 mıllıard rýbl bólý josparlanǵan. Pýtın «aqparattyq egemendik» jáne «jasandy ıntellekti damytýdyń ulttyq strategııasy» týraly uzaq sóıledi. Onyń ıdeıasyna sáıkes 2030 jylǵa qaraı reseılik sýperkompıýterlerdiń jalpy qýaty 10 ese artýy kerek. Ol kásipkerlerdi Reseıdiń IT ındýstrııasyna ınvestısııa salýǵa shaqyrdy.
Sonymen qatar Reseı prezıdenti Úkimetke salyqtan qutylý úshin bıznesin «kishireıtken» shaǵyn kompanııalarǵa raqymshylyq jasaýdy tapsyrdy. Ol «mundaı kompanııalarǵa ótken kezeńder úshin aıyppul, sanksııalar salynbaıdy, salyqtar qaıta eseptelmeıdi», dep ýáde berdi.
Sondaı-aq 2030 jylǵa qaraı Pýtın eń tómengi jalaqy mólsherin 35 myń rýblge deıin arttyratynyn aıtty (qazir ol 19 myńnan sál asady). Reseı basshysynyń aıtýynsha, qazir Reseı halqynyń 9 paıyzdan astamy (13,5 mıllıon adam) kedeılik deńgeıinde, 2030 jylǵa qaraı ony 7 paıyzǵa deıin tómendetý kózdelgen.
Qarap otyrsaq, Vladımır Pýtın óziniń josparlaryn 2030 jylǵa deıin jasaqtaǵan. Bıylǵy prezıdenttik saılaýda jeńiske jetse, ol kezde onyń besinshi prezıdenttik merzimi aıaqtalady. Pýtınniń aıtýynsha, 2030 jylǵa qaraı Reseı robottar sany boıynsha aldyńǵy 25 eldiń qataryna kirýi, ımporttyń úlesi IJО́-niń 17 paıyzyna deıin tómendeýi jáne mektepterdi kúrdeli jóndeý máselesi sheshilýi kerek. Ol sońǵy máselege 400 mıllıard rýbl bólýge ýáde berdi.
О́tken senbi kúni Memleket basshysy Qasym-Jomart Toqaev Reseı prezıdenti Vladımır Pýtınmen telefon arqyly sóılesti. Kremldiń baspasóz qyzmetiniń habarlaýynsha Qasym-Jomart Toqaev Reseı prezıdentiniń Federaldyq jınalysqa joldaýy mazmundy, baǵdarlamalyq sıpatta bolǵanyn erekshe atap ótti.
