Foto: stan.kz
Depýtattyń aıtýynsha, elimizde, ásirese aýyldarda psıhologııalyq kómek kórsetý júıesiniń nasharlyǵynan problemalar ýaqytyly anyqtalmaıdy.
Senatordyń pikirinshe, balalardyń minez-qulqyndaǵy alǵashqy problemalar mektepke deıingi jáne mektep jasynda anyqtalady. Sondyqtan pedagog-psıhologtardyń oqýshylarǵa jeke-dara qoldaý kórsetýge qol jetkizý múmkindigine jáne onyń sapasyn arttyrý máselesine erekshe nazar aýdarý qajet.
«Orta eseppen 1,5 myń bala oqıtyn mektepterde 60, al 4500 jáne odan da kóp oqýshylary bar bilim oshaqtarynda 170-ten kóp synyp bar. Iаǵnı, bir psıholog 2000 oqýshyǵa jáne erekshe bilim berý qajettilikteri bar balalarǵa qyzmet kórsetip otyr. Psıhologtyń júktemesi úlken bolýyna baılanysty, naqty muqtaj adamǵa kómek berilmeı jatady», dedi senator.
Senator máseleni sheshý úshin mektep psıhologtarynyń sany jónindegi normatıvin esepteýdi qaıta qaraýdy jáne synyp sanyna sáıkes túzetýler engizýdi usyndy.
«Psıholog shtattary mektepterge 1987 jyly engizilse de olardyń zańdy mártebesi áli anyqtalmaǵan. Eńbek aqy tóleý júıesinde olar qosymsha mamandyq retinde belgilengen. Psıholog erekshe mamandyq ekenin eskere otyryp, negizgi mamandar tizbesine engizýdi oılastyrý qajet», dedi Ǵalıasqar Sarybaev.
