Foto: gov.kz
О́tken túnde 1,2 myńnan asa reıs arqyly qaladan polıgondarǵa 17,4 myń tekshe metr qar jetkizildi. Qys mezgili basynan beri polıgondarǵa 445,3 myń reıspen 6 mln tekshe metrden astam qar shyǵarylǵan.
Qar kúreý jumysy táýlik boıy aýysymdyq rejımde júrgizilip, birinshi kezekte ortalyq kóshelerde, jolaýshylar kóligi júretin joldarda, aıaldamalarda, trotýarlarda tazalaý jumysy júrgizilip jatyr.
Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylǵan, jaryqtandyrý qosylǵan.
«Qazgıdromet» RMK málimetinshe, Astana qalasynda 9 naýryzda kúndiz jaýyn-shashyn, al túnde jáne tańerteń tuman bolatyny boljanǵan.
