Foto: Polisia.kz
2023 jylǵy maýsymda keıýanaǵa «Akvafor» súzgi qurylǵysyn tıimdi jeńildikpen ornatý usynylady. Eki jas jigit ýáde etken jumysty oryndaıdy. Ájeı ornatqan qurylǵy úshin tólem jasaǵan mezette jigitterdiń biri aqsha jasyrylǵan jerdi baıqap qalǵan. Bireýi ájeıdi sózge aldandyryp, ekinshisi kórshi bólmege ótip, 100 mln teńge qarajatty jymqyrǵan. Keıýana aqshasy urlanǵanyn birneshe kúnnen keıin ǵana bilgen eken.
«Quramynda Petropavl qalasynyń PB JKB aǵa krımınalısi Erbol Mýsın bar polısııa qyzmetkerleri oqıǵa ornyna kelip, mán-jaıdy naqtylaı bastady. E.Mýsın páterdi muqııat qarap shyǵyp, alaıaqtar qaldyrǵan súzgi qurylǵysy qorabynan izderdi tapty. Izder boıynsha qylmyskerlerdiń jeke basy da anyqtaldy. Olar Qostanaı oblysynyń týmasy bolyp shyqty jáne bireýiniń Petropavl qalasynda turaqty turatyny belgili boldy. Krımınalıstiń kásibı is-qımyly negizinde qylmys qysqa merzimde ashyldy, qaskóıler ustalyp, aqshalaı qarajattyń bir bóligi ájeıge qaıtaryldy», delingen habarlamada.
