foto: mangystauzhastary.kz
Aqpan aıynda Rızabek Aıtmuhan Qazaqstan chempıonatynyń fınalynda Álisher Erǵalıden jeńilip qalǵan edi. Endi tájirıbeli balýan ulttyq qurama sapynda irikteý týrnırine barady.
«Rızabektiń lısenzııa úshin talasýǵa múmkindigi bar. Endi Erǵalı Bishkekke Azııanyń irikteý týrnırine barady. Odan keıin Túrkııada ótetin álemdik lısenzııalyq týrnırde taǵy bir múmkindik bolady. Álisher Bishkekte lısenzııa almasa, Aıtmuhannyń oǵan barýǵa múmkindigi bar», dedi Qazaqstan chempıonynyń burynǵy bapkeri Edýard Bazrov.
Rızabekti álem chempıonatynda jeńiske daıyndaǵandardyń biri – Edýard Bazrov. Al Aıtmuhandy el birinshiligine basqa komanda daıyndap jatqany belgili boldy.
«Jeltoqsan aıynda Osetııadaǵy oqý-jattyǵý jıynynan keıin men Rızabekpen jumysty toqtattym. Sonda men jeke sebepterge baılanysty yntymaqtastyqty toqtatamyz dep ózim sheshim qabyldadym. Men bastamashy boldym, bul meniń sheshimim», dedi maman.
Jattyqtyrýshy Edýrad Bazrov Shavkat Rahmonov pen Asý Almabaevty jattyqtyratyn Dar Team quramynda jumys isteıdi.
Aıta keteıik, erkin kúres balýany Rızabek Aıtmuhan Serbııada ótken álem chempıonatynda tarıhı altyndy jeńip alǵan edi.
