Foto informburo.kz
О́tinishter 1 sáýirden 31 tamyzǵa deıin qabyldanady. Balanyń qujattaryn egov.kz elektrondy úkimet portalynda tapsyrýǵa bolady.
Aıta keteıik, jańa oqý jylynda 370 myńnan astam bala alǵash ret mektep tabaldyryǵyn attaǵaly tur.
«Qazaqstan Respýblıkasynyń bilim berý, tálimgerlik jáne balalardyń qaýipsizdigi týraly Zańyna sáıkes lıseıler men gımnazııalarda birinshi synypqa qabyldaý emtıhandaryn ótkizýge tyıym salatyn norma engizildi. Osylaısha, barlyq bala teń múmkindikke ıe bolady. Bul bastama birinshi synyp oqýshylarynyń testileý men áńgimelesýge baılanysty psıhologııalyq kúızelisin azaıtýǵa baǵyttalǵan», dep túsindirdi Orta bilim komıtetiniń bólim meńgerýshisi Álııa Chokýsheva.
Birinshi synypqa alty jastan asqan balalar qabyldanady. Ol úshin ata-anasy nemese zańdy ókili tıisti ótinish jazýy qajet, sondaı-aq balanyń densaýlyǵy týraly anyqtamany – № 065ý nysanyn, balanyń 026/ý-3 densaýlyq pasportyn jáne 3*4 formatyndaǵy eki fotosýretti usynýy qajet.
О́tinishter demalys jáne mereke kúnderin qospaǵanda, dúısenbiden jumaǵa deıin qabyldanady.
