Aımaqtar • 30 Naýryz, 2024

Abaı oblysynda ózen sýy kóterilip, 50 aýla aýmaǵyna jaıyldy

180 ret

kórsetildi

1 mın

oqý úshin

Abaı oblysynyń Borodýlıha aýdanyna qarasty Peremenovka aýylynda qardyń qarqyndy erýi saldarynan Era ózeninde sý deńgeıi kóterildi. Saldarynan Pervomaıskaıa kóshesiniń boıyndaǵy 50 aýla aýmaǵyn sý basqan. Úılerge sý kirgen joq, dep habarlaıdy Egemen.kz atalǵan oblys ákimdigine silteme jasap.

Shyńǵys MUQAEV

Abaı oblysynda ózen sýy kóterilip, 50 aýla aýmaǵyna jaıyldy

Foto: Vıdeoskrın. Abaı oblysy ákimdigi

19 adamdy (onyń ishinde 6 bala) evakýasııalaý sharalary júrgizildi. Qazirgi ýaqytta turǵyndar óz úılerinde otyr.

Oqıǵa ornynda Tótenshe jaǵdaılar departamentiniń, JAO, APB, ortalyq aýdandyq emhananyń jáne AES kúshteri men quraldarynan 44 adam jáne 7 tehnıka jumys atqaryp jatyr.

Pervomaıskaıa jáne Bolashaq kósheleri baqylaýǵa alyndy. Úılerdi sý basyp ketpeý úshin ınertti materıaldar tóselip jatyr, barlyǵy 400 qap 500 tonna ınertti materıal tóseldi.

Tótenshe jaǵdaılar qyzmeti úılerdi aralap, turǵyn úılerdi sý baspaýyna tekserý júrgizip jatyr. Talan-tarajǵa jol bermeý jáne qoǵamdyq tártipti qamtamasyz etý maqsatynda Borodýlıha APB patrýlder uıymdastyrdy.

Ákimdik habarlamasynda: «Qazirgi ýaqytta Pervomaıskaıa jáne Bolashaq kósheleriniń boıynda sý deńgeıi tómendep, aýla aýmaqtary men turǵyn úılerdi sý basý qaýpi joq. Borodýlıha aýdanyndaǵy sý tasqyny jaǵdaıy erekshe baqylaýǵa alyndy», delingen.