Qoǵam • 30 Naýryz, 2024

Jaǵdaı turaqtalǵansha turǵyndardyń basy-qasynda bolamyz – depýtat

233 ret

kórsetildi

1 mın

oqý úshin

Májilis depýtattary, «AMANAT» partııasy fraksııasynyń músheleri Qazybek Álishev pen Maqsat Tolyqbaı Aqtóbe oblysyna baryp, sý tasqynynan zardap shekken Qobda aýdany jurtshylyǵymen kezdesti, dep habarlaıdy Egemen.kz.

Shyńǵys MUQAEV

Jaǵdaı turaqtalǵansha turǵyndardyń basy-qasynda bolamyz – depýtat

Foto: «AMANAT» partııasynyń baspasóz qyzmeti

«AMANAT» partııasy tarapynan qoldan kelgenshe kómek kórsetip jatyrmyz. Dári-dármek, jańa tósek-oryn barlyǵy jetkilikti. Jaǵdaı turaqtalǵansha turǵyndardyń basy-qasynda bolamyz», dedi Maqsat Tolyqbaı.

Amanat partııasy

Atalǵan partııanyń baspasóz qyzmeti málim etkendeı, Qobda aýylynda 237 úı sý astynda qaldy. Zardap shekken turǵyndar evakýasııalaý ortalyqtaryna ornalastyrylyp, ystyq tamaqpen, kıim-keshekpen qamtamasyz etildi. Arnaıy komıssııa shyǵyn kólemin anyqtap jatyr. Japa shekken adamdarǵa materıaldyq kómek kórsetilip, sý tasqynynyń aldyn alý sharalaryn kúsheıtý joldary qarastyrylady.

Májilis depýtattarynyń issapary jalǵasady. Búgin olar Temir jáne Muǵaljar aýdanyndaǵy sýǵa ketken aýyldarǵa jolǵa shyqty.