Tótenshe jaǵdaılar mınıstrligi habarlaǵandaı, Almaty oblysynyń Baıkent kentinde Voroshılovskıı sý qoımasynyń bógeti jarylǵan.
«Sý Jarmuhamet ózeniniń negizgi arnasyn boılaı shyǵyp, odan keıin barlyq shlıýzderi ashyq turǵan toǵandarǵa quıady. Sý tranzıttik rejımde aǵyzylyp jatyr. Halyqqa habarlaý jumystary qolǵa alyndy. Eldi mekenderdi sý basý qaýpin anyqtaý jumystary da jasalyp jatyr. Tótenshe jaǵdaılar departamentiniń basshysy men jeke quramy, oblys ákimi oqıǵa ornynda júr», delingen habarlamada.
Eske sala keteıik, buǵan deıin Aqtóbe oblysynyń Áıteke bı aýdanynda Sherbakovo bógeti shlıýziniń ústinde jaryqtar paıda bolyp, 29 naýryz, juma kúni saǵat 21:40-ta bóget jarylǵan edi. Osyǵan baılanysty jaqyn mańdaǵy aýyldardyń turǵyndary shuǵyl evakýasııalandy.
