Foto: aktobetour.weebly.com
Qazir jalpy syıymdylyǵy 280 mln tekshe metr bolatyn Qarǵaly sý qoımasy taǵy 70 mln tekshe metr sý qabyldaı alady. Erigen qar sýyn ótkizýge arnalǵan eki shlıýz ashyq, árqaısysy sekýndyna 100 tekshe metr sý jiberip jatyr.
Nysanda táýlik boıy kezekshilik júrgiziledi. Sý jınaý, qabyldaý jáne ótkizý jónindegi derekter saǵat saıyn jergilikti atqarýshy organdarǵa jáne tótenshe jaǵdaılar departamentine jiberiledi.
«Sýdyń kelýine daıyn bolý kerek, sondyqtan qazirgi ýaqytta Qarǵaly sý qoımasynan barynsha sý jiberýdi qamtamasyz etý mańyzdy. Sondaı-aq sýdy durys bólý úshin Aqtóbe sý qoımasymen jumysty úılestirý qajet», dedi Sý resýrstary jáne ırrıgasııa mınıstri Nurjan Nurjigitov.
