Foto: Facebook
Depýtat Atyraý qalasy, Mahambet (Mahambet, Saraıshyq aýyldary) jáne Inder (Qurylys, Jarsýat aýyldary) aýmaqtarynda «úlken sýdy» qabyldaýǵa daıyndyq boıynsha júrgizilip jatqan jumystardy baqylaǵan.
«Jaǵany kúsheıtý jumystaryna atsalysyp jatqan turǵyndarmen de kezdestik. Jaryqtandyrý, qural-jabdyqtar boıynsha kómek surap jatyr, olarǵa býldozer, ekskavator qajet. Qosymsha kómek kórsetý úshin Qorǵanys mınıstrliginiń bólimsheleri tartylady. Qazirgi jaǵdaıdy bári túsinedi, barlyǵy uıymshyldyqpen, birlikpen jumys istep jatyr», dep jazdy Dúısenbaı Nurbaıuly.
Depýtattyń málimetinshe, ejelgi Saraıshyq qalashyǵyn sý basý qaýpi tónip tur. Boljam boıynsha Atyraýǵa 20 sáýirde úlken sý keledi dep kútilip otyr.
Dúısenbaı Turǵanov: «Embi-Aqkıiztoǵaı ózenderiniń gıdropostynda sý deńgeıiniń turaqty tómendeýi baıqalady, deńgeıi - 295 sm. 4 saǵat ishinde 3 sm tústi. Jaıyq ózeniniń gıdroposttarynda sý deńgeıi kóterilip jatyr jáne budan ary qaraı da kóterilýi múmkin. Qıǵash ózeniniń ólsheý beketterinde jaǵdaı turaqty, sý deńgeıiniń tómendeýi baıqalady. Jalpy, jumysty jedeldetý qajet», dep jazbasyn túıindedi.
