Foto: primeminister.kz
Sonymen qatar Roman Sklıar Teplıchnoe, Prıbrejnoe aýyldaryndaǵy, Ýshev kóshesi boıyndaǵy aryqtardy daıyndaý jumystaryn jáne Petropavl qalasyn aýyz sýmen qamtamasyz etip otyrǵan mańyzdy strategııalyq nysan – «Qyzyljar Sý» JShS-nyń ekinshi deńgeıdegi sorǵy stansııasy bógetteriniń qorǵanys qabiletin tekserdi.
Premer-mınıstrdiń birinshi orynbasarynyń tapsyrmasy boıynsha sorǵy stansııasy bıiktigi 1,5 metr bolatyn 450 metrge jaıylǵan bógetpen qorǵalǵan.
«Qalaǵa beriletin aýyz sý sapasyn tekserý mańyzdy. Arnaıy zerthana eki saǵat saıyn sýdyń sapasyn tekserip, zerttep, esep berip otyrýy kerek. Sýdyń kelýimen onyń jaramdylyǵy tómendeýi múmkin. Qala tirshiligin qamtamasyz etý jumysyn úzdiksiz júrgizip otyrý qajet», dep tapsyrdy Roman Sklıar.
Birinshi vıse-premer sý tasqynyna qarsy jumystardyń kólemin baǵalap, jol ınfraqurylymy júktemesin azaıtý týraly esepti tyńdady. Onyń ishinde, úlken sýdyń kelýi týraly jańartylǵan boljamdy eskere otyryp, qatty sý basý saldaryn azaıtý prosesi qozǵaldy.
