Foto: Qorǵanys mınıstrliginiń baspasóz qyzmeti
Desantshylar 11 sáýirde aımaq turǵyndaryna kómek kórsetý úshin S-295 áskerı-kóliktik ushaǵymen jetkizilgen bolatyn. Oblys ortalyǵyna taıaý Serebrıakov kentine 100 adam tartyldy. Ol jerde Kóshim ózeni kóterilip, tasqyn sý jergilikti turǵyndardyń úılerine qaýip tóndirgen edi. Bir táýlik ishinde Almaty desanttyq-shabýyldaý quramasynyń áskerı qyzmetshileri 45 tonnadan astam qum salynǵan qapshyqtardy tasyp, bógen jasady.
«Qazirgi ýaqytta Kóshim ózeniniń jaǵasyn nyǵaıtý úshin bir jarym myń qapshyq qum tóseldi. О́zen boıynda sý basý qaýpi joǵary eki ýchaske anyqtalyp otyr. Onyń birinshisiniń uzyndyǵy 120 metr, al ekinshisi 40 metrlik. Qapshyqtan turǵyzylǵan bógetterdiń bıiktigi jarty metrden eki metrge deıin jetedi. Bizdiń esepteýimiz boıynsha ekinshi ýchaskeni nyǵaıtýǵa 3,5 myńnan astam qap qajet bolady», dedi jergilikti basqarý organynyń ókili Amangeldi Jumaǵalıev.
Desantshylardyń janqııarlyq eńbegi nazardan tys qalǵan joq. Túski astyń aldynda kentke Oral qalasyndaǵy joǵary ınjenerlik-tehnologııalyq kolledjdiń jas oqytýshylarynan quralǵan eriktiler kelip, áskerı qyzmetshilerdiń baǵa jetpes kómegi úshin rızashylyqtaryn bildirip, dastarhandaryna táttiler tartý etti.
Jetisý garnızonynyń áskerı qyzmetshileri Zashaǵan qalasyndaǵy kirpish zaýytynda, Shaǵan-Naberejnyı aýdanynda jáne Jas natýralıster stansııasynda sý tasqynyna qarsy júrgizilgen is-sharalarǵa qatysty. Desantshylar 40 myńnan astam qap daıyndap, uzyndyǵy 150 metrlik bóget saldy.
