Foto: polisia.kz
Qazirgi ýaqytqa deıin atalmysh qor 30 mıllıon teńge jınap úlgergen. Alaıda naqty soma áli belgisiz.
Jábirlenýshilerdiń aıtýynsha, qor dırektory aýyr dertke shaldyqqan balanyń emine aqsha jınap, qarjyny zańsyz ıemdengen.
2023 jyly densaýlyǵynda kináraty bar balany syltaýratyp, ata-anasyna qarjy jınaýǵa kómektesemin dep kelisim jasasqany da anyqtaldy. Alaıda olardy Belarýsııaǵa aqshasyz attandyryp, qarjyny áne-mine aýdaramyn degen jeleýmen san soqtyrǵan. Tıisinshe bala da emdele almady. Zardap shekkender shetelde kómeksiz qalǵanyn aıtyp shaǵymdanǵan.
«Alaıaqtyq faktisi boıynsha sotqa deıingi tergep-tekserý júrgizilip jatyr. Tergeý jumystary aıasynda halyqaralyq tapsyrmalar joldandy. Kúdikti ustalyp, ýaqytsha ustaý ızolıatoryna qamaldy», delingen oblystyq Polısııa departamenti taratqan habarlamada.
