Foto: kfb.kz
Bokstan Qazaqstan quramasynyń bas bapkeri Myrzaǵalı Aıtjanov birlesken jattyǵý jıynyn joǵary baǵalady.
Bapkerdiń aıtýynsha, ár el sportshylarynyń jeke jattyǵý kúni belgilengen. Tek dúısenbi, sársenbi, juma kúnderi bes el boksshylary rıngte júzdesken.
«Rıngtiń syrtynda boksshylar bir-birimen dos ekenin umytpaıdy. Bul - sporttyń qaǵıdasy. Básekelestik bar, sharshy alańda birin-biri aıamaıdy. Keshe zaldyń birazy qan boldy. Sportshylardyń muryndary, qabaǵy qanady. Jattyǵý barysynda boksshylar qarsylastaryn zerttep alady. Bul Olımpıadada óz nátıjesin beredi dep oılaımyn. Mundaı jattyǵý praktıkamyzda birinshi ret ótip jatqan joq. Sonaý Rıo, London olımpıadasyna osylaı daıyndaldyq. Buǵan deıin álemniń alpaýyt boks derjavalary Brazılııa, Kýba, Reseı, Anglııa, Germanııa, Ýkraına sııaqty eldermen talaı birikken jattyǵý jıyny bolǵan», dedi Myrzaǵalı Aıtjanov.
