Buǵan deıin BAQ-ta «Air Astana» áýe kompanııasynyń ushqyshy Almaty halyqaralyq áýejaıynyń ishki reısterdi jóneltý aımaǵynda ustalǵany týraly aqparat paıda bolǵan edi. Tergeýshilerdiń málimetinshe, 31 jastaǵy er adam esirtkini paıdalanyp, saqtaǵan.
«Air Astana» áýe kompanııasynyń baspasóz qyzmeti atalǵan aqparatty rastady. 23 sáýirde kompanııa ushqyshy jolaýshy retinde ushyp bara jatqanda esirtkige mas kúıinde ustalǵan. Polıseıler sotqa deıingi tergeý amaldaryn júrgizip jatyr, al ushqysh jumystan shettetildi.
«Áýekompanııa qyzmetkerlerdiń alkogoldi nemese esirtkini paıdalanýyna nóldik tózimdilikti kórsetedi. Áýekompanııa ekıpaj qyzmetkerleriniń qanynda alkogol nemese esirtki zattarynyń bolýyna turaqty negizde tekseris júrgizedi», dep habarlady kompanııanyń baspasóz qyzmeti.
