Foto: Bartlomiej Magierowski / East News
Báıterek aýdanynyń №2 sotynda Batys Qazaqstan oblysynyń turǵynyna qatysty QR Ákimshilik quqyq buzýshylyq týraly kodeksiniń 73-1-babynyń 1-1-bóligimen qarastyrylǵan ákimshilik quqyq buzýshylyq týraly is qaraldy.
«Quqyq buzýshy 2019 jyly týǵan kishkentaı ulyna belbeýimen qasaqana dene jaraqatyn keltirip, sol arqyly onyń densaýlyǵyna zııan keltirgen. Sot otyrysynda quqyq buzýshy óz kinásin tolyq moıyndap, keshki ýaqytta kishkentaı ulynyń oınap júrgenin, ózine baǵynbaǵanyn, sondyqtan ony belbeýmen jazalaǵanyn túsindirdi. Ol eki kishkentaı balany jalǵyz tárbıelep otyr. Anasy ata-ana quqyǵynan aıyrylǵan jáne olarmen birge turmaıdy. Jábirlenýshiniń zańdy ókili – Báıterek aýdandyq bilim bóliminiń qorǵanshylyq jáne qamqorshylyq organynyń ókili sot otyrysynda istiń mán-jaıyn rastap, balanyń sózinen ákesiniń uryp-soqqany belgili bolǵanyn túsindirdi», delingen sot habarlamasynda.
Sot qaýlysymen balanyń ákesi ákimshilik quqyq buzýshylyq jasaǵany úshin kináli dep tanylyp, oǵan eskertý túrindegi ákimshilik jaza qoldanyldy.
Qaýly zańdy kúshine engen joq.
