Foto: Denıs Tyrın
«Qazaqstan men Anglııada álemdik deńgeıdegi kásibı balalar fýtbol akademııasyn qurý meniń jeke úlken armanym edi, onda eń úzdik ári talantty jas fýtbolshylar men bolashaq juldyzdar tárbıelenedi. Akademııada oqý tolyǵymen tegin bolady, jas sportshylar elimizdegi jáne fýtboldyń otany – Anglııadaǵy eń úzdik jattyqtyrýshylardan oqyp-úırenýge múmkindik alady», dep túsindirdi M.Lomtadze.
Sondaı-aq ol fýtbol sportynyń sheberlikti shyńdaýǵa zor áleýeti bar buqaralyq oıyn-saýyq túri ekenin atap ótti.
«Bizdiń fýtboldy zamanaýı tehnologııalar men jasandy ıntellekt múmkindikterin qoldana otyryp, ınnovasııalyq bıznes qurýdaǵy meniń tájirıbemdi paıdalanyp, jańa deńgeıge kóterýge bolatynyna senimdimin. Biz Qazaqstan fýtboly úshin álemdik deńgeıdegi juldyzdardy tárbıeleı alamyz dep úmittenemin.
Kez kelgen fýtbol akademııasy oqýshylarynyń armany – fýtbol klýbynyń negizgi quramynda oınaý. Sondyqtan fýtbol klýby joq akademııanyń tabysqa jetýge múmkindigi de joq. Qarapaıym tilmen aıtqanda, siz akademııada jattyǵyp, ıkem-daǵdylaryńyzdy jetildiresiz, al klýbtyń negizgi quramynda oınaýǵa múmkindik joq. Men ony ózgertýdi josparlap otyrmyn, óıtkeni klýb túlekterimizge múmkindik berýdi kózdeıdi, olar úshin klýb úlken fýtbolǵa jol ashatyn oryn bolady», dedi Mıhaıl Lomtadze.
