Foto: Almaty qalasy ákimdigi
Kez-kelgen memlekettiń ál-aýqaty qarttar men balalarǵa degen kózqaraspen ólshenedi. Uly Jeńistiń 79 jyldyǵy qarsańynda ótken atalǵan is-sharanyń mańyzdylyǵyn aıtqan Jetisý aýdany ardagerler keńesiniń tóraǵasy Tamara Shákirova: «Bizdiń aýdanda bir ardager – Ilıa Kýdın Grıgorevıch turady. Onyń búgin osy merekege qosylǵanyna óte qýanyshtymyn jáne rızamyn. Sondaı-aq qala ákimdigine alǵysymdy bildirgim keledi. Alleıanyń ashylýy urpaqtardyń birigýine jáne patrıottyq qundylyqtardyń qalyptasýyna yqpal etedi dep sanaımyn», dedi.
Al zeınetker Qulshara Sıenova: «Otanymyzǵa qyzmet etkenderge dán rızamyn. Bizdiń qoǵamnyń olardyń erligin qurmettep, este saqtap júrgenin kórý men úshin maqtanysh», dedi.
Búginde qalada 43 soǵys ardageri turady. Almaty ákimi Erbolat Dosaevtyń tapsyrmasy boıynsha Ekinshi dúnıejúzilik soǵys ardagerlerine birjolǵy áleýmettik kómekti 1 mln teńgege ulǵaıtý týraly sheshim qabyldandy. Bul sheshimdi qala máslıhaty qoldady. 2024 jyly ardagerler 2 mln teńge kóleminde birjolǵy kómek ala alady.
Sonymen qatar Almaty dárigerleri Otan qorǵaýshylar kúni aılyǵy aıasynda soǵys ardagerleri úshin Check-up ótkizedi, naýqandy ótkizý úshin árbir emhana ardagerlerge barý kestesin ázirledi.
