Foto: Vedomstvo
Soltústik Qazaqstan oblysyndaǵy 2 iri sý qoımasy 100% toldy. Esil ózenindegi sý tasqynynyń ekinshi kezeńi jalǵasyp jatyr.
Petropavl qalasy shegindegi Esil ózeniniń deńgeıi-1141 sm. Ol bir táýlikte 21 sm-ge tómendedi.
Aqmola oblysyndaǵy eki iri sý qoımasy 100%-ǵa toldy. Eki nysan da shtattyq kestege sáıkes jumys istep tur. Aımaqta tasqynnyń belsendi kezeńi aıaqtaldy. Astananyń qorǵanys bógetinen Esil ózenine táýligine 4,32 mln tekshe metr sý jiberiledi.
Aqtóbe oblysyndaǵy eki iri sý qoımasynyń ortasha sý jınaý kórsetkishi - 96%. Eki nysan da shtattyq rejımde jumys istep tur. Munda sý tasqynynyń belsendi kezeńi ótti.
Shyǵys Qazaqstan oblysyndaǵy eki iri sý qoımasy boıynsha ortasha sý jınaý kórsetkishi - 83%.
Abaı oblysynda Shúlbi sý qoımasy 43,1% toldy. Aımaqta sý tasqyny jalǵasyp jatyr. Shúlbi sý qoımasyna búıirlik salalardyń ulǵaıýyna baılanysty Ertis ózenine aǵyndar jalǵasty. Ertis kaskadynyń barlyq sý qoımalary shtattyq kestege sáıkes jumys isteıdi.
Qaraǵandy oblysynda 3 iri sý qoımasy 99%-ǵa toly. Olardyń barlyǵy shtattyq kestege saı jumys isteıdi. О́ńirde tasqynnyń belsendi kezeńi ótti.
Qostanaı oblysynda eki iri sý qoımasynyń ortasha sý jınaý kórsetkishi - 92%. Eki nysan da shtattyq kestege saı jumys isteıdi. Aımaqtaǵy sý tasqynynyń belsendi kezeńi ótti.
Qoımalarda «Qazsýshar» mamandarynyń kezekshiligi jáne sý sharýashylyǵy jaǵdaıyna monıtorıng júrgizý jalǵastyrylyp otyr. Sý qoımalaryna jınalǵan tasqyn sýy aýyl sharýashylyǵy men ónerkásipte paıdalaný úshin jiberiledi.
