Foto: Kaspi.kz
Garvard bıznes mektebi óziniń oqytý ádisimen kitaptarda emes, kompanııalar men naqty basqarý sheshimderi týraly naqty keısterdiń negizinde tanymal. Klassıkalyq garvardtyq keıs – bul kompanııanyń aldynda turǵan basqarý mindeti týraly 20-25 bettik áńgime. Garvardtyq keısterdi tek Garvardta ǵana emes, sonymen qatar búkil álemdegi basqa da jetekshi ýnıversıtetterde oqytady.
«Bul Kaspi.kz týraly ekinshi garvardtyq keıs, munyń ózi kez kelgen kompanııa úshin biregeı jetistik. Kaspi.kz týraly alǵashqy keıs 2019 jyly jazylǵan bolatyn, ol boıynsha stýdentter 4 jyldan beri bilim alyp jatyr. Jańa keıstiń ataýy: «Kaspi.kz: ınnovasııalar arqyly senim qalyptastyrý». Ol Kaspi.kz-tegi biregeı korporatıvtik mádenıetke jáne bizdiń servısterdiń sapasyna degen qushtarlyǵymyzǵa arnalǵan, bul bizdiń súıikti klıentterimizdiń senimine ıe bolýǵa kómektesedi. Qazir Qazaqstan men elimizdegi ınnovasııanyń qarqyndy damyp kele jatqany týraly búkil álemdegi stýdentter men professorlardyń kóbi biletini biz úshin erekshe qýanyshty ári mańyzdy», dedi Kaspi.kz basshysy ári negizin qalaýshylardyń biri Mıhaıl Lomtadze.
Garvard bıznes mektebi Bostonda (AQSh) ornalasqan, ol álemdegi eń bedeldi oqý oryndarynyń biri. Mıhaıl Lomtadze Garvard bıznes mektebiniń (Harvard Business School MBA) bıznes ákimshilendirý magıstri dárejesin 2002 jyly alǵan.
2019 jyly Mıhaıl Lomtadze Orta Azııa, Túrkııa, Taıaý Shyǵys jáne Soltústik Afrıka aımaǵy boıynsha Garvard bıznes mektebiniń Konsýltatıvtik keńesiniń quramyna kirdi. Garvard bıznes mektebiniń úzdik túlekteri Konsýltatıvtik keńestiń quramyna kiredi. Keńestiń negizgi mindetteri – bilim berý baǵdarlamalaryn jasaýda, óńirlik bıznesti zerdeleýde jáne jahandyq strategııany qalyptastyrýda bıznes mektebine kómektesý.
