Foto: Foto: REUTERS
Iranda Prezıdent saılaýyn ótkizý grafıgin prezıdenttiń mindetin ýaqytsha atqaryp júrgen Irannyń birinshi vıse-prezıdenti Muhammad Mohber, sot júıesiniń basshysy Golam Hosseın Mohsenı-Edjeı men Parlament spıkeri Mohammad Bager Galıbaf, sondaı-aq prezıdenttiń quqyqtyq máseleler jónindegi vıse-prezıdenti Mohammad Dehgan men úkimet ókilderi bekitken.
Iran Konstıtýsııasynyń 131-babyna sáıkes, eger prezıdent óz mindetin atqara almasa, atqarýshy bılik ýaqytsha birinshi vıse-prezıdenttiń qolyna ótedi, ol 50 kún ishinde jańa prezıdentti saılaýdy uıymdastyrýǵa mindetti.
Kezdesý jıynynda qatysýshylar atqarýshy delegasııalardy jasaqtaý, kandıdattardy tirkeý jáne saılaý naýqandaryn bastaýdy qamtıtyn saılaý prosesiniń kestesin jarııalady.
Kestege sáıkes, kandıdattardy tirkeý 30 mamyrdan 3 maýsymǵa deıin júrgiziledi. Sodan keıin kandıdattar 12-27 maýsym aralyǵynda saılaýaldy úgit-nasıhat jumystaryn júrgizýi kerek.
Buǵan deıin Iran prezıdenti Ibrahım Raısı men onyń komandasynyń keıbir músheleri, Syrtqy ister mınıstri Hoseın Amır Abdollahıan Tehrannan shamamen 670 shaqyrym jerde Varzakan aýdany mańynda tikushaq apatynan qaza bolǵanyn habarlaǵan edik.
