Foto: Aqorda baspasóz qyzmeti
Atap aıtqanda, óńir ekonomıkasyn ártaraptandyrý, sonyń ishinde jańa óndiris oryndaryn ashý jáne damýdyń tyń baǵyttaryn qolǵa alý kerek ekenine nazar aýdardy. Týrızm, qurylys, kólik-logıstıka salalaryn órkendetýge aıryqsha mán berilýge tıis.
Memleket basshysy kommýnaldyq ınfraqurylymdy jańǵyrtý úshin keshendi sharalar qabyldaý mańyzdy ekenin atap ótti.
Oblys ákimine Aqtaý qalasy men onyń tóńiregindegi eldi mekenderdi jylýmen, aýyzsýmen qamtamasyz etip otyrǵan MAEK jáne «Kaspıı jylý, sý arnasy» kásiporyndarynyń balansyndaǵy ınfraqurylymdy jóndeý, jańǵyrtý jumystaryn jedeldetý tapsyryldy. Sondaı-aq óńirdegi sý tapshylyǵyn joıý úshin «Kaspıı» sý tushytý zaýytynyń qýatyn arttyryp, jeke ınvestısııalar esebinen qosymsha sýmen qamtamasyz etý nysandaryn iske qosý qajet.
