Foto: Sý resýrstary jáne ırrıgasııa mınıstrligi
Mınıstrlik vedomstvo mamandary qytaılyq áriptesterimen únemi baılanysta ekenin jetkizdi.
«Qytaı tarapy transshekaralyq ózender arqyly sekýndyna 1400 tekshe metr sý jibergenderi týraly habarlady. Eldi mekenderdi sý basý qaýpi joq. Búginde Boran gıdrobeketi aýmaǵyndaǵy Qara Ertis ózeninde sý jiberý kólemi sekýndyna 1700 tekshe metrdi quraıdy, sýdyń deńgeıi - 543 sm», dep jazdy QR Sý resýrstary jáne ırrıgasııa mınıstrligi
Aǵyn sýdyń kelýin eskere otyryp, Boran aýylyndaǵy Qara-Ertis ózenindegi gıdrologııalyq stansada sý deńgeıi kóterilýi múmkin. О́skemen sý qoımasynan (Buqtyrma sý qoımasynyń qarsy rettegishi) aǵyzylatyn sý 500 m3/s-tan 800 m3/s deıin ulǵaıtyldy.
Jaǵdaı mınıstrdiń erekshe baqylaýynda.
Aıta ketsek, erteń mınıstr Nurjan Nurjigitov Shyǵys Qazaqstan oblysyna jumys saparymen barady. Al búgin óńirde vıse-mınıstr Nurlan Aldamjarovtyń júrgeni belgili boldy.
Qyrmyzy JUMAǴALIQYZY,
EUÝ stýdenti
