Balalar • 24 Mamyr, 2024

Ulttyq ulan «Men – Otan qorǵaýshymyn!» fotobaıqaýyn jarııalady

182 ret

kórsetildi

1 mın

oqý úshin

Halyqaralyq balalardy qorǵaý kúnine oraı quqyqtyq tártip áskeri 27 mamyr – 3 maýsym kúnderi aralyǵynda ótetin «Men – Otan qorǵaýshymyn!» atty fotobaıqaý jarııalady, dep habarlaıdy Egemen.kz Ulttyq ulan habarlamasyna silteme jasap.

Shyńǵys MUQAEV

Ulttyq ulan «Men – Otan qorǵaýshymyn!» fotobaıqaýyn jarııalady

Foto: Ulttyq ulannyń baspasóz qyzmeti

Atalǵan baıqaý áskerı qyzmetshilerdiń otbasylarynyń bedelin arttyrý, qoǵam men Ulttyq ulanda otbasylyq qundylyqtardy dáripteý, ata-analardyń balalarǵa degen qamqorlyǵyn, balalardyń úlkenderge degen qurmetin kúsheıtý, nekeniń beriktigin nasıhattaý maqsatynda uıymdastyrylyp otyr.

Baıqaýǵa Ulttyq ulan áskerı qyzmetshileriniń jáne ardagerleriniń 3 jastan 10 jasqa deıingi balalary qatysa alady. Úmitkerler uıymdastyrý komıssııasyna áskerı kıimde túsken fotosýretterin usynýy kerek.

Daýys berý Ulttyq ulannyń «Instagram»-daǵy National_guard_kaz resmı paraqshasynda ótedi.

Jeńimpazdar «Unatý» belgileri sany boıynsha anyqtalyp, Ishki ister mınıstriniń orynbasary – Ulttyq ulan Bas qolbasshysynyń dıplomdarymen, syılyqtarymen marapattalady.