Foto: Qurlyq áskerleriniń áskerı ınstıtýty
Sondaı sharanyń biri Almatydaǵy Qurlyq áskerleriniń Saǵadat Nurmaǵambetov atyndaǵy Áskerı ınstıtýtynda ótti.
Eske alý jıynynda Qazaqstan qorǵanys mınıstrliginiń qolbasshylary, ofıserlik quram men ınstıtýt oqytýshylary, kýrsanttary Saǵadat Nurmaǵambetovtiń eskertkishine gúl shoqtaryn qoıdy.
Sondaı-aq batyr-generaldyń 100 jyldyq mereıtoıy kúni Qurlyq áskerleri Áskerı ınstıtýtynyń «Álı» oqý-jattyǵý ortalyǵynda kóktemgi shaqyrylymdaǵy 46 sarbaz Otan men Qazaqstan halqyna adal qyzmet etýge saltanatty túrde ant berdi.
Sharaǵa sarbazdardyń jaqyn-jýyǵy men týystary da qatysty.
Sarbazdar 1 aı boıy jaýyngerlik kýrsty meńgerip, jalpy áskerı jarǵylardy, qarý-jaraqtyń taktıkalyq-tehnıkalyq sıpattamalaryn oqyp, oqý-jattyǵý, atys jáne dene shynyqtyrý turǵysynan daıyndaldy.
«Búgin biz úshin mańyzdy kún – árbir áskerı qyzmetshiniń ómirinde bir-aq ret bolatyn aıtýly shara. Bul men jáne qarýlastarym úshin - úlken mártebe! Otan ıgiligi úshin qyzmet etý – meniń jeke qalaýym, ár jigittiń boryshy dep bilemin», dedi sarbaz Ospan Erǵalı.
Ant qabyldaý sharasy saltanatty marshpen qorytyndylandy.
Jıynnan keıin «Álı» oqý ortalyǵynyń basshylyǵy jas sarbazdardyń ata-analarymen kezdesip, áńgimelesti. Ata-analardyń kókeıindegi saýaldarǵa jaýap berdi.
Sondaı-aq ata-analar qyzmet kórsetý oryndary, kazarma, ashana nysandaryn aralap kórdi.
