Kindikqany tamǵan qasıetti Narynqol topyraǵynda qalamgerdiń 100 jyldyǵy aıasynda Almaty oblysynyń ákimdigi men «TÚRKSOI» halyqaralyq uıymy birlese uıymdastyrǵan plener jáne «О́lgender qaıtyp kelmeıdi» kitabynyń tusaýy kesildi.
Kitaptyń tusaýkeser rásimine Almaty oblysy ákiminiń birinshi orynbasary Nurlan Erǵalıuly, «TÚRKSOI» uıymynyń bas hatshysy Sultan Raev, QR TÚRKSOI uıymynyń ókili Baqytjan Omar, shyǵarmany túrik tiline aýdarǵan Hýseın Varol, tanymal kúıshi Seken Turysbekov, Jazýshylar odaǵynyń múshesi, aqyn, Qazaqstan Respýblıkasy Jazýshylar odaǵy tóraǵasynyń orynbasary Baýyrjan Jaqyp, aqyn, Túrki elderiniń jazýshylar odaǵynyń tóraǵasy Esdaýlet Ulyqbek jáne zııaly qaýym ókilderi qatysty.
Baýyrlas eki el arasyndaǵy mádenı baılanysty damytýdyń mańyzdylyǵyna, eki jaqtan kelgen qonaqtar asa mán berdi.
Sonymen qatar Túrkııa, Qyrǵyzstan, О́zbekstan, Ázirbaıjan elderi men óńir sýretshileriniń týyndylarynan plener uıymdastyryldy. Qylqalam sheberlerine «Qazaqstannyń eńbek sińirgen qaıratkeri», Qazaqstan Sýretshiler odaǵynyń tóraǵasy О́mirbek Jubanııazov Alǵys hat tabystady.
Is-shara sońy Seken Turysbek jetekshilik etetin «Aqjaýyn» kameralyq orkestriniń konsertine ulasty.
