Foto: Gov.kz
Narıman Júnisov pen Balyq sharýashylyǵy resýrstary jáne balyq sharýashylyǵyn retteý basqarmasynyń burynǵy basshysyna eki bap boıynsha aıyp taǵyldy.
Birinshi epızod boıynsha - 2021 jyldan 2024 jylǵa deıin sottalýshylar uıymnyń vedomstvolyq baǵynysty komıtetiniń bas dırektorynan jalpy qamqorlyǵy úshin 1,5 mln teńge somasynda banktik aýdarymdar arqyly qarajat túrindegi para aldy.
Ekinshi epızod boıynsha – jeke kompanııa dırektorynan banktik aýdarym arqyly kompanııa qyzmetin qorǵaǵany úshin 2 mln teńge aqsha alyndy.
«Sot talqylaýy barysynda sottalýshylar kinásin moıyndap, jasaǵan isine ókinish bildirdi», delingen sot habarlamasynda.
Bul bap boıynsha paranyń 60-70 eselengen mólsherinde aıyppul salý nemese jeti jyldan 12 jylǵa deıin bas bostandyǵynan aıyrý jazasy qarastyrylǵan. Biraq sot jasalǵan qylmystyń aýyrlyǵyn jáne baptyń sanksııasynda kózdelgen eń tómengi aıyppuldy sot belgilegen merzimde tóleýdiń múmkin emestigin eskerdi. Sondyqtan jaza retinde aıyppul salý alynyp tastaldy.
«Qylmystyq jaýaptylyq pen jazany jeńildetetin, qylmystyq quqyq buzýshylyqty ashýǵa jáne jas balalardyń bolýyna belsendi yqpal etetin jaǵdaılarǵa qaramastan, komıtettiń burynǵy tóraǵasy men basqarma basshysy memlekettik qyzmet pen kvazımemlekettik sektorda qyzmet atqarý quqyǵynan ómir boıyna aıyra otyryp, 6 jylǵa bas bostandyǵynan aıyryldy», dep habarlady sotta.
Úkim zańdy kúshine engen joq.
Qyrmyzy JUMAǴALIQYZY,
EUÝ stýdenti
