Foto: turaninfo.kz
Býrabaı aýdanynda sottalýshylar uzaq ýaqyt boıy kúsh qoldanýmen qorqytyp, 12 adamnan 130-500 myń teńgege deıin (jalpy somasy 1 140 000 teńge) aqsha bopsalaǵan. Sonymen qatar eki sottalýshy – jábirlenýshini ózin-ózi óltirýine jetkizgen.
Jasalǵan áreketterine baılanysty, sot jeti sottalýshyny 4 jyldan 5 jylǵa deıin merzimge bas bostandyǵynan aıyryp, úsheýiniń 4 jyldan 5 jylǵa deıin bas bostandyǵyn shektedi. Kámeletke tolmaǵan bireýi jábirlenýshilermen tatýlasýyna baılanysty qylmystyq jaýaptylyqtan bosatyldy.
Jaza taǵaıyndaýda sot sottalýshylardyń jas balasy bolýyn, kinásin moıyndaýyn jáne shyn júrekten ókingenin, buryn sottylyǵynyń bolmaǵanyn eskerdi. Sottalýshylarda aýyrlatatyn mán-jaılar anyqtalmady.
Sottalǵandardan jábirlenýshilerdiń paıdasyna jalpy somasy 3 mln teńgege moraldyq zııan jáne jalpy somasy 1 140 000 teńgege keltirilgen materıaldyq zalal óndirildi. Sonymen qatar sot basty sot talqylaýy barysynda tártipti buzǵany úshin polısııa departamentiniń atyna jáne aýdan ákiminiń atyna jastardy jumyspen qamtý bóliginde jumysty kúsheıtýge nazar aýdara otyryp, jekeshe qaýlylar shyǵardy. Sot úkimi zańdy kúshine engen joq.
Aqmola oblysy,
Býrabaı aýdany
