Foto: azattyq-ruhy.kz
«Barshańyzdy qasıetti Qurban aıt meıramymen shyn júrekten quttyqtaımyn!
Adamzatty izgilik pen yntymaqqa úndeıtin bul mereke ımandylyqty arttyryp, rýhanı qundylyqtardy dáripteıdi. Aıt kúnderi qoǵamda keńpeıildilik, qaıyrymdylyq jáne shynaıy nıet saltanat qurady.
Dál osy meıramda muqtaj jandarǵa kómek kórsetilip, júrekter meıirimge bólenedi. Qamqorlyq, janashyrlyq, syılastyq sııaqty adamgershilik qaǵıdalary ulyqtalady. Sondyqtan Qurban aıt tatýlyq pen kelisimdi nyǵaıtatyn jáne yrys pen qutty eseleıtin mańyzǵa ıe.
Barshańyzdy osy merekemen quttyqtaı otyryp, elimizge amandyq pen tynyshtyq, ár shańyraqqa shattyq pen baq-bereke tileımin!
Duǵa-tilekterińiz ben nıetterińiz qabyl bolsyn», delingen quttyqtaýda.
