Qostanaılyq aqyn Meńdiqara aýdanynyń qurmetti azamaty atandy

QOSTANAI. 19 qańtar. Belgili aqyn Jolbarys qajy Baıazıd ózi týyp ósken Meńdiǵara aýdanynyń Qurmetti azamaty atandy. Bul týraly egemen.kz tilshisi habarlady. Jaqynda quramynda aýdan ákiminiń mindetin atqarýshy K.Sádýaqasov, aýdandyq máslıhat hatshysy V.Leonov, aýdandyq mádenıet jáne tilderdi damytý bóliminiń basshysy S.Shvydchenko, Qostanaı qalasynda turatyn aqyn Jolbarys Baıazıdke Meńdiqara aýdanynyń Qurmetti azamaty kýáligi men qurmetti lentasyn ákelip tapsyrdy. Jolbarys Baıazıd osy aýdandaǵy Krasnaıa Presnıa aýylynda týǵan. Kóp jyldar oblystaǵy baspasóz salasynda jemisti qyzmetter istedi. Sonymen qatar, óziniń aqyndyq shyǵarmashylyǵyn ushtaı bildi. Onyń birneshe jyr jınaqtary tek oblysqa ǵana emes, elimiz oqyrmandaryna tanymal. Jolbarys aqyn mátinin jazǵan «Qyzdarǵa ásemdik jarasady», «Qostanaıym» ánderi keń taraǵan. Aqyn jerlesteriniń óz shyǵarmashylyǵyna kórsetken syıyn qazaq ádebıetine degen qurmet dep biletinin jetkizdi. Ol óziniń kindik kesken aýyly Meńdiqara aýdany jurtshylyǵyna mereıli tabystar, tynyshtyq, mol ıgilikter tiledi. Názıra Járimbetova. Derek: egemen.kz. Sýret: mendikara.kostanay.gov.kz.