«Atyraý» fýtbol komandasy sapynda ýkraınalyq sportshy óner kórsetedi

ATYRAÝ. 19 qańtar. «Atyraý» fýtbol klýbynyń quramyna ýkraınalyq Vladımır Arjanov qabyldandy. Ol munaıly óńir komandasynyń shebinde jartylaı qorǵaýshy retinde oınaıtyn boldy. Bul týraly egemen.kz tilshisi habarlady. V.Arjanov – zaporojdik «Metallýrg» komandasynyń túlegi, qazir onyń jasy 29-da. Osy komanda quramynda alǵashqy oıynyn bastap, keıin óz eliniń «Arsenal» (Kıev), «Volyn» (Lýsk) sekildi ujymdarynda jartylaı qoǵaýshy shebinde oınaǵan. Al Atyraýǵa aýysqanǵa deıin Odessanyń «Chernomores» klýbynda tájirıbe jınaqtapty. Onyń alańdaǵy jartylaı qorǵaýshylyq sheberligine tánti bolǵan ýkraınalyq jattyqtyrýshylar «Metallýrg» jáne «Arsenal» komandalarynyń kapıtany bolý mindetin júktepti. Ýkraına chempıonatynda 219 matchqa qatysyp, qarsylastar qaqpasyna 32 gol soqqan Arjanovtyń boıy –184 sm. Al salmaǵy 75 kılony quraıdy. Ol Ýkraına jastarynyń quramasynda 8 oıyn ótkizgen. Osyndaı jetistigi bar Vladımır Arjanov bıylǵy maýsymda «Atyraý» fýtbol klýbynyń namysyn qorǵaýǵa atsalysady. Joldasbek Shópeǵul. Derek: egemen.kz. Sýret: isport.ua.