Frıstaılshy Iýlııa Galysheva – álemde úshinshi!

Keshe, 19 qańtar kúni qazaqstandyq Iýlııa Galy­­­sheva Avstrııanyń Kraıshber qalasynda ótip jatqan frıstaıldan álem chempıonatynda jupty mogýl saıysynda qola júldege qol jetkizdi. Jarystyń bul túri boıynsha birinshi oryndy amerıkalyq Hanna Kırnı jeńip alsa, ekinshi nátıjeni kanadalyq Jıýstın Dıýfýr-Lapýant kórsetti. Al kishi fınalda Iýlııa kelesi kanadalyq úsh apaly-sińlilerdiń biri – Kloe Dıýfýr-Lapýanttan basym túsip, aqtyq synǵa joldama alǵan bolatyn. Budan bir kún ǵana buryn Iýlııa mogýl saıysynda besinshi nátıje kórsetken edi. Onda Jıýstın Dıýfýr-La­­­pýant birinshi bolsa, Hanna Kırnı – ekinshi, al avstra­lııalyq Brıttenı Koks úshinshi tuǵyrǵa kóterilgen edi. Qalaı degende de, Iýlııa­nyń álem chempıonatynda úshinshi orynǵa taban tireýi – úlken jetistik. Byltyr Sochı qysqy Olımpııa oıyndarynda tóreshi­­­lerdiń durys baǵalamaýynan júlde­gerler qataryna ilikpeı qalǵan onyń ádiletsizdikke qapalanyp, sportpen qoshtasqysy kel­geninen de habardarmyz. Degenmen, jańa maýsym jet­kende ózin ózi jeńe bilip, jattyǵýyn qaıta jalǵas­tyrdy. Biraq ózine sport agent­tiginiń qyzmetin kórsetkennen basqaǵa shamasy joq jeke jattyqtyrýshysy Elena Krýglyhınadan bas tartýyna týra keldi. Ol myna jarysqa da syrt jaqtyń demeýshilik etýimen barǵan eken. О́skemende 1992 jylǵy 23 qazanda týǵan Iýlııa 2006 jyldan beri halyqaralyq jarystarǵa qatysyp keledi. Ol 2008 jylǵy aqpanda nemistiń Shlırze qalasynda ótken Álem kýbogynda jupty mogýlda kúmis júlde alsa, birneshe kúnnen keıin shvedtiń Engelberg kentinde mogýl men jupty mogýldyń ekeýinde de altyn júldeger atandy. 2011 jyly Almatyda ótken Azııa oıyndarynda da mogýldan altyn medal jeńip aldy. О́tken jylǵy 13 jeltoqsanda fınniń Rýka shaharynda oı­­nalǵan Álem kýbogynda sport­shy qyz jupty mogýlda aldy­na jan salmady. Rýslan IGILIK.