Foto: ulysmedia.kz
Ekibastuz, Temirtaý, Taraz, Jezqazǵanda jylytý nysanyn jóndeý ýaqyty jıi ózgergen. Al Qaraǵandy oblysynda jylytý nysandaryndaǵy problemalar tekserildi.
«Bıyl mamyr aıynyń basynda Úkimet otyrysynda jóndeý merzimin uzartýǵa jáne olardyń kólemin azaıtýǵa jol bermeý týraly tapsyrma berdim. Alaıda KEGOK operatory bekitken jóndeý jumystarynyń kestesine menshik ıeleriniń qalaýy boıynsha únemi ózgerister engizip otyrady. Bıyldyń ózinde kestege jóndeý jumystaryn aýystyrý boıynsha 18 ret ózgeris engizildi. Bul ákimdikter men Energetıka mınıstrliginiń qatysýynsyz jáne kelisiminsiz jasaldy», dedi Oljas Bektenov.
Osyǵan baılanysty júrgizilip jatqan jumystardyń sapasyn qadaǵalaý birinshi vıse-premer Roman Sklıardyń jeke baqylaýyna tapsyryldy.
«Roman Vasılevıch, jergilikti jerlerde qajetti jedel sheshimder men qatań sharalar qabyldańyz. Jóndeý jumystarynyń sapasyna erekshe nazar aýdaryńyz», dep tapsyrdy Oljas Bektenov.
