Foto:aikyn.kz
«Búginde biz mansap ortalyqtarynda resmı tirkelgen jumyssyz azamattarǵa ǵana áleýmettik qoldaý kórsetsek, «Jumys Tap» jobasy aıasynda biz jumysqa ornalasý jaǵdaıyna, jasyna jáne tirkeýine qaramastan oqytyp, jumysqa ornalasýǵa kómektese alamyz», dedi Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasy basshysy Ásem Júnispekova.
Qazirgi tańda ótinimderdi qabyldaý júrip jatyr. Oqý kýrstary 1 tamyzda bes kolledjdiń bazalyq negizinde bastalady. Uıymdastyrýshylardyń málimetterine súıensek, 48 kásipti tańdaýǵa bolady: tiginshi, shashtaraz, shınomontajshy, elektr gazben dánekerleýshi, saıt ázirleýshi, beınemontajer, mobılograf jáne taǵy basqalary. Oqytý baǵdarlamasy bıznespen birge Eńbek naryǵynyń standarttary men talaptary boıynsha ázirlengen.
Aıta keterligi, munda tájirıbege basa nazar aýdarylady. Oqytý qorytyndysy boıynsha jobaǵa qatysýshylar memlekettik úlgidegi sertıfıkat alady.
