24.kg arnasyna bul aqparatty TJM daǵdarys jaǵdaıyndaǵy basqarý ortalyǵy basshysynyń orynbasary Baızaq Otorbekov rastady.
- Jergilikti turǵyndarǵa silteme jasap, ol Abshyr-Ata eldi mekeninde ózen jaǵasynda alty adam sákide demalǵanyn habarlady. Barlyǵyn aǵyn alyp ketti. IIM qyzmetkerleri men jergilikti turǵyndar bes adamnyń denesin tapty, - delingen materıalda.
Qazirgi ýaqytta TJM qyzmetkerleri seldiń saldaryn joıý jumystaryn júrgizip jatyr, qaza tapqandar men zardap shekkenderdiń jeke basy anyqtalyp jatyr.
Joıqyn sel 28 maýsymda, kúnniń ekinshi jartysynda Nookat aýdanyna tústi. Qatty jańbyrdyń saldarynan on aýlany sý basyp, Abshyr-Ata aýylyndaǵy eki kópirge zaqym keldi. Teskeı-Qojóke aýylynda 15 aýla men jergilikti mektep zardap shekti. Qarabulaq aýylynda balshyq aǵyndary kólik pen kópirdi alyp ketti. Táji-Qyshtaq aýylynda jeti aýla men birneshe saraı sý astynda qaldy. Osh-Razzakova avtojolyndaǵy kópir búlingen.
