Sýretter: boxingkazakhstan
Shahmurat Mútáliptiń aıtýynsha, 2024 jyldyń alǵashqy jarty jyldyǵy Qazaqstan boks federasııasy úshin jemisti ári jeńisti kezeń boldy.
«Osy aralyqta elimizde Azııa chempıonaty jáne birneshe halyqaralyq týrnır uıymdastyryldy, eń bastysy – Parıj Olımpıadasy joldamalary boıynsha meje oryndaldy. Erler quramasy barlyq salmaq dárejeleri boıynsha lısenzııa ıelense, áıelder komandasy buryn-sońdy bolmaǵan nátıjeni tirkep, úsh salmaq boıynsha joldamalar jeńip aldy», dedi Boks federasııasynyń basshysy.
Sondaı-aq federasııa basshysy ár jeńistiń artynda birlesken toptyń júıeli jumysy turǵanyn atap ótti.
«Sportshynyń turaqtylyǵyna jáne eńbekqorlyǵyna bapkerdiń biliktiligi men senimin, mamandardyń úzdiksiz járdemin qossa ǵana maqsatqa jetýge bolady. Parıj Olımpıadasy – barlyǵymyz úshin belgili bir kezeńge qorytyndy jasaıtyn asa mańyzdy jarys. Bylǵary qolǵap sheberleri halyqty túrli dárejedegi júldelermen qýantady degen senimdemin. Qazaqstan boksy jasasyn!», dedi Shahmurat Mútálip.
