Foto: adyrna.kz
Rústembek Omarovtyń oryndaýyndaǵy halyq kúıi «Aqsaq qulan», Qurmanǵazynyń «Aqsaq kıik», «Jıma», «Mashına», «Qyzyq qaıyń», «Serper», Dınanyń «Baıjuma», Káýenniń «Sánaý», Abyldyń «Naratý», t.b. kúıleriniń nusqalary keń taralyp, dombyrashylardyń repertýaryna engen.
Atalǵan kúıshiniń oryndaý mánerin Ahmet Jubanov óte joǵary baǵalap, óziniń «Ǵasyrlar pernesi» atty eńbeginde jazsa, áıgili kúıshi Dına Nurpeıisova oǵan batasyn bergen desedi.
R.Omarovtyń Qurmanǵazy orkestrinde ustaǵan kóne dombyrasyn qyzy Qarlyǵash Omarova ákesiniń 100 jyldyq mereıtoıynda, 2019 jyly, Buqar jyraý atyndaǵy Ádebıet jáne óner mýzeıine tapsyrypty. Al jeke ustaǵan dombyrasy, ókinishke qaraı, joǵalyp ketken eken.
Bul týraly «Egemen Qazaqstan» gazetiniń tilshisi Murat Qapanuly «Dáýlesker kúıshiniń dombyrasy» atty maqalasynda jazǵan.
