Aýdannyń qoǵamdyq keńes músheleri, qoǵam belsendileri, aýdandyq mekeme ujymdary, jastar men qala turǵyndary qatysqan tazalyq sharasyna 200-ge jýyq adam qatysqan. Aksııa qatysýshylary aýdan ortalyǵynyń parkteri, alleıalaryn tazartyp, qoqystardy jınaǵan. Odan ózge de mekeme qyzmetkerleri óz jumys oryndarynyń aýlalaryn tazartyp, ekologııalyq aksııaǵa belsene atsalysqan.
Aksııa barysynda barlyǵy 1 tonnaǵa jýyq qoqys jınalǵan. Aksııa qatysýshylary aldaǵy ýaqytta da aýdan jurtshylyǵyn tazalyq sharalaryna belsene qatysýǵa shaqyryp, týǵan jerdiń tazalyǵy árkimniń óz úıinen bastalatynyn eske saldy.
«Jańa Qazaqstan – taza Qazaqstannan bastalady. Biz qoǵamdyq keńes músheleri «Taza Qazaqstan» aksııasyna atsalysýdamyz. Eger qalamyz, aýylymyz, turatyn baspanalarymyz taza bolatyn bolsa denimiz de saý bolady», dedi Sarqan aýdandyq analar keńesiniń tóraıymy Kúlbarshan Myrzabaıqyzy.
