Foto: UOK
Bokstan erler quramasyndaǵy sátsizdikke qatysty bas bapker Myrzaǵalı Aıtjanov pikir bildirdi.
«Birnárse jetispedi dep aıtýǵa bolmaıtyn shyǵar... Buıyrmaı tur eken dep aıtýǵa bolady. Qarsylas ta ońaı emes. Buǵan deıin de ekeýi sharshy alańda kezdesken. Qarsylastyń utýǵa degen qushtarlyǵy basym bolǵandaı boldy. Zeıad Ishaısh sheberligi joq bolsa da óte kóp jumys istedi, júgirdi. Bul − Olımpıada. Biz tóreshiler jeńisti negizsiz berdi dep aıta almaımyz, sebebi teń dárejedegi kezdesý boldy. Bizge berse de olar úndemeıtin edi, olarǵa berdi «jeńilgenniń sózi qursyn degen bar», biz úndemeımiz. Basqa jigitterdi jaqsylap daıyndaımyz. Buıyrmaı tur eken, amal joq. Biraq Aslanbek baryn saldy. Bul ózi yńǵaısyz qarsylas. Buǵan deıingi kezdesýlerde utqanda qıyndaý tıgen. Iordanııalyq osy salmaqtaǵy myqtylardyń bireýi», dedi Myrzaǵalı Aıtjanov.
Otandyq BAQ ókilderi bas bapkerden Aslanbek Shymbergenovtiń birinshi kezeńde jeńilýine ashylý saltanaty kezindegi qolaısyz aýa raıy qanshalyqty áser etkenin surady.
«Ár nárseni aıta bersek, jeleý izdegen durys bolmaıdy ǵoı. Barlyǵymyz bir jaǵdaıdamyz. Basqalar da shyqty. Sol sebepten biz syltaý izdemeýimiz kerek. Qalǵan jigitterdi jaqsylap daıyndaımyz. Aslanbekke de kiná taǵa almaımyz. Olımpıada medaline jetý árkimge buıyra bermeıdi. Aslanbek baryn saldy. Qalǵan jigitterge sabaq bolady», dedi bas bapker.
