Foto: Ashyq derekkóz
Eske sala keteıik, 15 mamyrda Janǵaly aýdandyq aýrýhanasynda úsh balanyń anasy, 36 jastaǵy Indıra Tákesova qaıtys bolǵan. Áıel aýrýhanaǵa óz betimen kelgenimen, úıine qaıtyp tiri oralmaǵan. Anyqtalǵandaı, áıeldiń qursaqtaǵy balasy da qaıtys bolǵan.
Marqumnyń kúıeýiniń aıtýynsha, ólimniń sebebi áli belgisiz. Alaıda ol áıeliniń ólimine adamı faktor sebep bolǵanyna senimdi ekenin atap ótken.
BQO polısııa departamentiniń baspasóz qyzmeti Indıra Takesovanyń qaıtys bolý faktisi boıynsha QR QK-niń 317-baby boıynsha «Medısına nemese farmasevtıka qyzmetkeriniń kásiptik mindetterin tıisinshe oryndamaýy» boıynsha sotqa deıingi tergeý bastalǵanyn málim etti. Sonymen qatar tıisti saraptamalar taǵaıyndalǵan.
