- Ulytaý oblysynyń bıýdjeti kólemindegi qarajat osy bes jyldan az ýaqyt ishinde Nazarbaev Zııatkerlik mektepterine bólingen. Onyń ishinde 22 mlrd teńgeden astam qarajat tájirıbeni taratýǵa qaralǵan. Statıstıkany qalaı qarasaq ta, ókinishke qaraı, aıtarlyqtaı ózgeris joq. Onyń ústine, bul tipti memlekettik josparlaý júıesi sheńberinde de qamtylmaǵan, - dedi palata tóraǵasy Álıhan Smaıylov.
NZM ótkizgen satyp alýlar boıynsha 10,5 mıllıard (22 mıllıon dollar) teńgege zań buzýshylyq anyqtaldy. Mysaly, 1 mıllıard teńgeden (2,09 mıllıon dollar) astam somaǵa bir kózden satyp alý tásilin zańsyz qoldaný, ótinimderdi negizsiz jiberý nemese qabyldamaý jáne taǵy basqa jaǵdaılar oryn alǵan.
Jalpy memlekettik aýdıt mynalardy anyqtady:
- 274,4 mln teńgege (575,2 myń dollar) qarjylyq zań buzýshylyq;
- 8,3 mlrd teńgege (17,4 mln dollar) tıimsiz josparlaý;
- tıimsiz paıdalaný – shamamen 6 mlrd teńge (12,5 mln dollar).
Sondaı-aq 134 prosestik zań buzýshylyq jáne 30 júıelik kemshilik anyqtaldy.
Tekserý is-sharalarynyń qorytyndysy boıynsha quqyq qorǵaý organdaryna bir materıal, ákimshilik quqyq buzýshylyq belgileri bar taǵy on fakti boıynsha ákimshilik is qozǵaý úshin ýákiletti organdarǵa joldandy.
