Foto: Habar24
Tergeý barysynda QMA qyzmetkerleri qara-jasyl tústi ósimdik tektes zatty satyp alǵan. Olardy sarapshylarǵa berip, zertteý júrgizgen. Olar zertteý obektisiniń jalpy salmaǵy 5 kg bolatyn «gashısh» esirtki zaty ekenin anyqtady.
Esirtki satýmen aınalysqan azamat jalǵan aqsha satýmen de áýestenetin bolyp shyqty. Ol 10 000 AQSh dollaryn (100 dana nomınalymen 100 AQSh dollaryn quraıtyn banknottar) satý barysynda ustaldy.
Sondaı-aq jedel izdestirý sharalaryn ótkizý barysynda onyń sybaılasy anyqtaldy, odan 13 100 jalǵan AQSh dollary tabylyp, tárkilendi. Onyń turǵylyqty jerin tintý barysynda salmaǵy shamamen 1 kg gashısh tabyldy.
Sot úkimimen atalǵan adamdar kináli dep tanylyp, bireýi 11 jylǵa, ekinshisi 5,5 jylǵa bas bostandyǵynan aıyryldy.
