Foto:Sý resýrstary jáne ırrıgasııa mınıstrligi
Mınıstrliktiń málimetinshe, 2025 jyldyń sońyna deıin Pavlodar oblysynda 97 gıdrotehnıkalyq jáne 132 sý ótkizý qurylysy jóndeledi.
Soynmen qatar, mınıstr Maı aýdanynda Qaraterek jáne Maıtúbek aýyldaryndaǵy sýarý jelilerin rekonstrýksııalaý barysymen tanysqan. Sýarý jelisi 5700 ga egis alqabyn sýmen qamtamasyz ete alatyndyǵy atap ótildi.
Eki joba da aıaqtalýǵa jaqyn. Nurjan Nurjigitov jumysty merziminen keshiktirmeı aıaqtaýdy tapsyrǵan. Jergilikti sharýa qojalyqtary mınıstrge óńirde sý únemdeý tehnologııalary qalaı engizilip jatqanyn kórsetti.
Odan keıin Nurjan Nurjigitov Kólbaı lımandy sýarý alabyna bardy. Pavlodar oblysynyń mal sharýashylyǵyn qajetti jem-shóp qorymen qamtamasyz etetin shabyndyqtardy sýarý júıelerin rekonstrýksııalaý josparymen tanysty. Joba birneshe kezeńnen turady. Birinshi kezeńde Baıanaýyl jáne Maı aýdandarynda qaıta jańǵyrtý jumystary júrgiziledi.
Máselen, Maı aýdanynda Kólbaı alabyna kiretin 38 gıdrotehnıkalyq jáne 6 sý ótkizý qurylysy jóndeledi. Baıanaýyl aýdanynda 59 gıdrotehnıkalyq jáne 126 sý ótkizý qurylysy bar. Bul jumystardy 2025 jyly aıaqtaý josparlanyp otyr.
Aıta keteıik, Kólbaı alabynyń aýmaǵy 14,6 myń ga, onyń 6,7 myń gektary Baıanaýyl aýdanynda.
Sondaı-aq, mınıstr Maı aýdanyn aýyz sýmen qamtamasyz etetin Maı toptyq sý qubyrynyń tazartý stansııasyna baryp, tazartylǵan sýdyń sapasyn teksergen.
Aqtoǵaı aýdanynyń Áýelbek aýylynda mınıstr 1063 ga sýarmaly ýchaskege arnalǵan ınjenerlik jeliler qurylysynyń barysymen tanysty. Joba Pavlodar jáne Shyǵys Qazaqstan oblystaryndaǵy «Qazsýshar» fılıaldarynyń birlesken kúsh-jigerimen júzege asyrylyp jatyr. Nysan bıyl paıdalanýǵa beriledi.
Ári qaraı Nurjan Nurjigitov uzyndyǵy 12,5 shaqyrym bolatyn «Ertis-Ýspen» kanalyn rekonstrýksııalaý barysyn baqylady. Kanaldaǵy jumystar 5 kezeńge bólingen. Qaıta jańǵyrtý jumystaryn kelesi jyly aıaqtaý josparlanyp otyr. Mınıstr sharýalardy ýaqytyly sýarmaly sýmen qamtamasyz etý úshin barlyq jumystardy 2025 jyldyń sýarý kezeńi bastalǵanǵa deıin aıaqtaýdy tapsyrǵan.
Sý sharýashylyǵy nysandaryn aralaǵannan keıin Nurjan Nurjigitov jergilikti «Qazsýshar» fılıalyna baryp, mekeme qyzmetkerlerimen jumys jaǵdaıy týraly sóılesken.
«Jergilikti sharýa qojalyqtary sýdan taryqpaýy úshin barlyq jobalardy merziminde aıaqtaý mańyzdy. Biz óz tarapymyzdan oblystyń egis alqaptaryna, shabyndyqtary men tabıǵı jaıylymdaryna sý berýdi qamtamasyz etemiz. Sondaı-aq kelesi jyldyń sý tasqyny kezeńine daıyndalý kerek. О́ńirdiń barlyq sý sharýashylyǵy nysandary erigen qar sýyn qabyldaýǵa jáne qaýipsiz ótkizýge daıyn bolýy tıis», dep qorytyndylady Sý resýrstary jáne ırrıgasııa mınıstri Nurjan Nurjigitov.
